E publico a nomina Karena Maduro pa ricibi e Reconocimento FOCUS Pantene Inspiracion 2018. Despues di a ricibi un cantidad grandi di mensahe di nominacion, FOCUS a cera conoci cu Karena Maduro di mas cerca y a realisa cu nos mesun hendenan a consider’e como un persona cu a demostra curashi, determinacion, humildad, leal y cu un curason di oro. E aspecto di plus sizes a haya un twist positivo y completo na Aruba y Karena su aporte na e cambio di imagen aki sigur ta di aprecia.
Karena ta e portada di FOCUS su edicion di november y ta conta cu tur sinceridad su bida for di su infancia, hubentud te na su bida como adulto. Como un bon studiante te na yega na ‘dropout’ pa bira mama cu 19 aña. E ta aclarea tur cos tocante su matrimonionan y a pesar di ta legalmente perdi, su consenshi ta limpi y e no tin ningun motibo pa sinti berguensa. Ta un eror cu el a comete y ta a coregi esaki awor. E momento cu el a realisa cu e tambe ta hinca den e circulo di violencia domestico, cu a cuminsa cu un pusha, eventualmente el a haya su prome bofta. Despues cu aña esaki a escala na e golpinan fuerte, menasa cu cuchiu y chocamento. Lesa e entrevista cu Karena Maduro den edicion di november cu ya ta obtenibel tur caminda!
