Cada evento cu Penha Aruba presenta tin un tema special, y diahuebs anochi e invitadonan a ricibi un ‘passport’ pa join nan den un aventura pa descubri e berdadero luho na Italia, Francia, Hapon y Estados Unidos. Den e paspoort tabatin tur e informacion di e evento y di varios marca for di e diferente paisnan. Na cada seccion tabatin ‘beauty advisors’ cu tabata splica di e.o.: Clarins, Hermes (Francia), Dolce & Gabbana, Versace, BVLGARI (Italia), Issey Miyake, Shiseido (Hapon) y Narciso Rodriguez (USA).
Despues cu e invitadonan a haci e tour na e diferente paisnan y ricibi un stempel den nan paspoort, nan por a pasa na e counter pa ricibi nan premio. E paspoort a keda personalisa cu un bunita potret, cu a saca di cada persona y por keda como un bunita souvenir cortesia di Penha Aruba. Na final di anochi, Orestis Bardoutsos, Essence Area Manager, a saca e ganadornan di e diferente premionan. Esaki tabata unicamente pa e invitadonan cu a cumpra un di e marcanan cu tabata den e tour “Let’s Travel cu Penha Aruba.
