Na april 2017 Marlienne Lyder tabata riba e portada di FOCUS unda e tempo ey el a elabora riba su periodo como presentadora na Telearuba. E dilema cu a presenta cu e palabra ‘wakiendo’, cu a crea masha bochincha riba Facebook. Despues como un ehempel di kico ta bon Papiamento, tabata e iniciativa pa Marlienne sigui e curso ‘Ban Papia y Skirbi Papiamento Miho’. Marlienne Lyder tabata un co-host di “The Power Wake Up Show” na Power. Actualmente Marlienne ta den un otro faceta di su bida y hunto cu su pareha, Lee Croes, nan ta den revista FOCUS di e luna aki.
Marlienne y Lee ta conoce otro for di tempo di scol secundario, Colegio Arubano. Pero ta durante e ultimo 2 añanan aki, nan a cera un amistad hopi mas di cerca y despues esaki a comberti den algo romantico. E echo cu ambos ta of tabata envolvi den media, ta pone cu nan tin mas comprension pa otro den cierto situacion. Ambos ta persona ‘outgoing’ y na momento cu nan atende e eventonan of cu nan ta riba caya, ta normal pa ambos topa cu hende conoci y combersa. Nan ta comparti nan felicidad y cu nan ta contando e dianan pa nan ‘diamond’ tan spera. Busca bo FOCUS y lesa tur detaye di nan bida profesional y personal.
