E aña aki Cosecha, lo habri su portanan un vez mas durante e feria anual di arte na San Nicolas.
Awe diabierna lo tin dos artista conoci trahando piesanan di murano glass den tienda. Aki ta trata di Marcha Hoost y Marian Abath cu lo tey presente pa asina por mustra con nan ta traha piesanan hopi bunita cu glas. Lo tin un prijs special riba beads y tambe armband solamente pa e anochi aki. Estella Brown Thode tambe lo tey y asina ta demostra con pa traha su divi divi nan.
Aña pasa Cosecha a presenta un live manequin show, pero e aña Cosecha lo tin un model show teatral den nan vitrina unda lo mustra diferente piesa cu tin den tienda y na mesun momento publico por interact cu nan. Esaki lo ta diasabra di 8 pm pa 9 pm. E dia aki tambe lo tey artistanan certifica manera Ana Fit, Marva Vlaun y Sharina Gumbs pa haci demostracion.
Diadomingo 24 di november, lo tey Sharina Gumbs cu ta specialisa den pinturanan abstract y Marva Vlaun cu ta hopi conoci na San Nicolas door su bunita trabonan cu e ta haak. Den e area di workshop lo tin un Expo di e participantenan, cu a tuma les di pintura di Erika Moran y pinturanan di e muchanan di Colegio San Antonio, unda nan a traha hunto den grupo pa asina compronde mas di e palabra empatia. Tambe lo tin “DIY workshop” pa bo mes traha bo mesun joyanan.
Cosecha San Nicolas lo habri dia 22, 23 di november di 6:00PM pa 11:00PM y dia 24 di november di 5:00PM pa 10:00PM. Publico en general ta invita pa bin wak piesanan certifica di nos artista- y artesanonan local den Cosecha su tienda. Cosecha ta warda bo bishita durante un weekend artistico, e weekend di Aruba Art Fair na San Nicolas.
