Lady Gaga tin su liña di cosmetico di beyesa asina anticipa, Haus Laboratories, cu el a link cu Amazon como su ‘retail partner’ den e empresa. Lady Gaga a bende miyones di album durante e ultimo decada. Como protagonista di “A Star Is Born”, el a yuda cu e pelicula bira un exito. Awor e ta asumiendo kisas su papel di mas dificil como entrepreneur den beyesa.
E marca ta inspira den e prome dianan di Gaga como un cantante den e ‘low’ Manhattan, aplicando makiyahe cu e tabata cumpra na botica, di cual el a converti su aspecto den su look caracteristico. Desde september “Haus” ta riba mercado cu kits combina cu lip gloss, lip liner and all-over colour, aunke segun e cantante a duna un ‘hint’, cu lo tin un coleccion completo na caminda.
