E decision di e duke y dukesa di Sussex pa ‘step back’ di e famia real a sorprende mundo. Ayera nochi Reina Elizabeth a revela cu nan no ta bay uza mas nan status di HRH y nan mester paga £ 2.4 miyon cu e contribuyentenan a gasta den e restauracion di Frogmore Cottage, unda nan lo keda mientras nan ta Reino Uni. E anuncio aki tabata hopi spera pa e protagonistanan di e momento historico aki, ya cu Meghan ta cla pa inicia su bida nobo, incluso ta buscando mansionnan na Vancouver, Canada pa biba hunto cu su casa y yiu Archie Harrison disfrutando di nan libertad.
Prins Harry y Meghan Markle a bay publicamente pa prome biaha riba nan sentimentonan tocante e atencion publico como miembronan di e famia real, durante nan gira na Africa na september. Mientras cu nan tabata eynan, a ser anuncia cu Meghan lo tuma pasonan legal contra un corant nacional pa publicacion di un carta priva cu el a scirbi pa su tata, Thomas Markle. Poco despues, Harry a cuminsa accionnan legal pa acusacionnan historico di pirateria.
