E Duke di Sussex a duna su prome discurso desde cu e Reina a emiti un comunicado anunciando e detayenan di e acuerdo pa su nieto y casa Meghan ora nan retira di e bida real. E prins di 35 aña, a yega Ivy Chelsea Garden ayera anochi pa un evento di recaudacion di fondonan priva pa yuda su organisacion benefico Sentebale, unda el a duna un discurso sincero riba su futuro y el a papia di su ‘great sadness’ pa aleha di e bida real y cu no ta un decision cu el a tuma sin pensa bon prome.
Prome cu el a papia tocante e trabou di e organisacion benefico, Harry a referi na e eventonan reciente cu a yega na e acuerdo pa un bida nobo independiente di dje y Meghan, unda nan lo dividi nan tempo entre Reino Uni y Norte America. El a bisa: “Prome cu mi cuminsa, mi mester bisa cu mi por imagina loke boso a tende of lesa den e ultimo simannan … Pues, mi kier pa boso scucha e berdad di mi, mas tanto cu mi por comparti, no como un Prins of un Duke, sino como Harry, e mesun persona cu hopi di boso a mira crece den e 35 añanan, pero cu un perspectiva mas cla”.
