Cinco aña pasa Flor a tuma e decision pa haci un cambio den su bida. El a ripara cu tempo bo mes ta defini, y el a traha tempo pa dedica na su mes lantando tur mainta dos ora prome, pa bay gym den un horario cu no ta interferí pa atende su yiunan, su casa y negoshi. A yega un momento cu training no tabata un sacrificio sino parti di su estilo di bida.
Flor ta sintie orguyoso di ta un di e hende muhernan cu ta wordo honra como “Exemplary Women of Aruba”. E ta un honor pa e por comparti su mensahe cu otro muhernan; cu no tin limite, no tin excuus y no ta exisiti: “Mi no por”. Su deseo tabata unicamente pa sintie saludabel mental, emocional y físicamente, apart di su deseo di luci fantastico. Awendia e ta sinti super fantastico danki na su propio decision.
