Yorleny y Gregory a conoce otro na 1994, ora cu nan tabata studia na e mesun universidad na Costa Rica. Gregory a bay Costa Rica pa studia Trabou Social y Yorleny tabata studia Comunicacion Social. Den revista FOCUS di e luna di februari, nan ta conta con nan a conoce otro y cuminsa un relacion amoroso. Casi 26 aña despues di conoce otro, nan ta realisa cu e escogencia cu nan a haci den bida tabata esun mihor: Ta bek cu otro!
Yorleny y Gregory ta conta di e desicion difícil cu nan a tuma pa divorcia despues di 20 aña casa. Nan a keda tres aña separa, pero ora amor ta di berdad ta tuma e paso pa reconciliacion. Ken a tuma e paso aki? Con el a bay? Ki momento Gregory a propone Yorleny pa bira su esposa pa di dos biaha? Un storia sigur cu no por perde conta pa e pareha aki, cu ta bisa cu amor puro y sincero semper lo haya su caminda bek. Nan a haya un ‘second chance’ den bida y esey no ta sosode tur ora.
