Den revista FOCUS su highlight di carnaval tin un bunita cobertura cu Irina Croes hunto cu su sobrina Ilaijah Croes. Den su entrevista Irina ta contesta e pregunta si e ta sinti cu Aruba ta traha realmente riba inclusion. Con nan como famia ta wak e aceptacion di Ilaijah den e comunidad. E reto mas grandi durante e preparacionnan door cu un mucha special por ta hopi impredecibel.
Irina ta conta tambe con e ta mira e evolucion di su sobrina despues di e experiencia como Aruba Youth Carnival Queen 2019. E ta describi den un solo frase Ilaijah como un ser cu ta un inspiracion di bondad, inocencia y amor. Su deseo ta, pa Ilaija desaroya su mes den un comunidad sano, cu por brind’e mas oportunidad y un mihor porvenir. Pa e por ta independiente y logra tur su metanan.
