E weekend aki e ‘Glam Squad’ di L’Oréal Paris tabata na Aruba un biaha mas pa comparti e ultimo innovacionnan y beauty trends. Ayera tardi nan tabata na DA, cada un como experto riba nan area, cu a sa di duna conseho, tips y yuda cada persona cu a yega acerca nan. Awe mainta e expertonan di L’Oréal Paris tabata na Bliss na Superfood y awe tardi na e Cosmetics Shop di Ling & Sons, unda e clientenan a haya e oportunidad pa cera conoci cu e Glam Squad.
E experto Aileen Toro, ta scan e cabey cu un ‘hair analyzer’ pa detecta e problema di e cabey. Pa 2020 tin varios producto cual entre otro tin ’Dream Lengths’, pa e cabeynan cu ta crece mas largo y saludabel. E ta un producto enrikeci cu castor oil y provitamina V5 cu ta un antioxidante pa fortalese y drecha e puntanan habri. E vitaminta V3 cu ta un regenerador celular cu ta yuda e cabey crece mas lihe.
E experto den cutis cu ta Andrea Nogueras, ta splica di e dos productonan nobo y intensivo cu a ser lansa. Un di nan ta yuda duna volumen na e cutis, cu ta un tratamento pa un siman cu por wordo ripiti cada luna. Ademas tin otro tratamento cu acido hialuronico 10% cu ta maneha linea, mancha y textura, cu ta productonan clave den e necesidadnan di e hende muher na Aruba.
E siguiente experto formando parti di e ‘glam squad’ ta e make-up artist, Jason Gausch, cu a laga tur e damanan un biaha mas sinti feliz cu su toke magico. Cu pasenshi nan a para den rij pa warda nan turno pa asina Jason splica cada un cua ta e make-up perfecto pa resalta nan beyesa.
