Awe dialuna, Anna Wintour cu ta Vogue su editor-in-chief, a anuncia oficialmente cu ta pospone Met Gala. Esaki debi na e decision inevitabel y responsabel di Metropolitan Museum pa cera su portanan, About Time, y e anochi inaugural di gala, lo wordo posponi pa otro fecha despues.
Dia 13 di maart, Metropolitan Museum of Art na New York, a cera su portanan pa publico pa ta concerni cu e coronavirus COVID-19. E periodista di New York Magazine, Matthew Schneier di The Cut, a confirma e noticia den un tweet, y el a bisa su followers cu Met Gala di e aña aki tabata bou revision. Awor e ta oficial, e evento no lo tuma lugar e prome dialuna di mei, cu e ta programa cada aña, y e lo bira un fecha cu ainda nan no a anuncia.
Nan a cuminsa cu cierre di Met Fifth Avenue, Met Breuer y Met Cloisters. E museo lo realisa un limpiesa minucioso y ta planea pa anuncia e siguiente pasonan na principio di proximo siman.
New York Times a informa cu dos empleado a mustra sintomanan di e virus. Mientras cu e museo a cera pa ta for di peliger, un portavoz di Costume Institute a bisa cu e momento ey, cu ainda e gala anual tabata riba calendario.
