COVID-19 ta causando panico, stress y ansiedad na henter mundo, pero afortunadamente por tin poco alivio di parti e dokternan online cu ta informa tocante e situacion actual. Tin dokternan riba Facebook, Tik Tok y YouTube, cu ta haci tur loke ta posibel pa nan informa y consola e publico durante e temponan difícil aki.
Un di e dokternan mas influyente riba Youtube ta Dr. Mike, cu ta post videonan tur siman riba actualisacion di coronavirus. E ta haci su maximo esfuerso pa duna e informacion mas preciso. Cada siman e ta recapitula e situacion di coronavirus, hopi biaha desacreditando informacionnan fout cu ta transmiti tocante COVID-19. E ta ser mira como un fuente hopi confiabel riba internet, ya cu e ta brinda solamente informacion preciso.
Su motto durante e temponan aki ta: “Alert not Anxious”.
Hopi hoben y young adults ta riba social media, specialmente den e dianan aki. Un di e social apps mas popular ta Tik Tok. Ademas di wak challenges di baile y videonan dibertido, tin tambe dokternan riba e app aki. Nan ta post videonan di 15 pa 60 seconde di duracion pa informa e publico tocante e virus. E ‘short videos’ aki ta ‘straight to the point’ y ta resalta e aspectonan importante cu nos mester corda: keda na cas, laba e mannan, no mishi na e cara y con pa anda cu ansiedad pa causa di e virus. Dokternan rond di henter mundo ta uni pa informa y brinda consuelo na nan audiencia.
