KEDA POSITIVO DURANTE CRISIS DI CORONAVIRUS

Cu tur e tragedia cu ta pasando na mundo como resultado di coronavirus, awor por parce manera un momento inusual pa papia riba ser positivo. Sin embargo, keda positivo ta un ingrediente central den e receta pa enfrenta cu exito un crisis.

Awor mas cu nunca, ta e momento pa nos ta proactivo den creacion di momentonan cortico di felicidad den nos dianan, e resultado di investigacionan den sicologia ta mustra cu emocionnan positivo ta yuda nos deshaci di e efectonan negativo di stress.

ALGUN COS REALMENTE PRACTICO CU BO POR HACI PA FOMENTA EMOCIONNAN POSITIVO

• DISFRUTA DI MOMENTONAN CHIKITO: Incluso durante ‘lockdown’  ainda bo tin hopi momento cortico pa disfruta.  E  holor di koffie, e  sensacion di un baño di awa lauw riba bo lomba,  etc. Ora bo para y disfruta di e momentonan aki, enbes di laga nan pasa  rapidamente  riba e piloto automatico, bo ta duna bo cerebro e oportunidad di procesa e placer, loke ta aumenta bo serotonin, e neurotransmisor cu ta yuda eleva bo estado di animo y laga bo sinti trankil.

• FORTALECE BO  CONEXIONNAN:  Pa esunnan di nos den e ‘lockdown’ familiar, awor ta e oportunidad di pasa tempo di calidad cu nos sernan keri. Tuma tempo pa brasa bo yiunan of pareha, mira nan den nan wowonan, mantene combersacionnan largo, tur e gestonan aki ta promove familiaridad y tambe  ta aumenta  bo oxytocin, cu ta un hormoon cu ta uni e personanan y tambe tin un efecto calmante den bo curpa.  Ora bo nivelnan di oxytocin aumenta, nan ta bisa bo curpa pa switch off cortisol, e hormoon di stress. 

E video ta mustra Prof Lea Waters ta papia tocante con pa anda cu stress y ansiedad durante e tempo di coronavirus.

Lea Waters AM, PhD, ta un professor di sicologia na University of Melbourne y miembro di Hunta Ehecutivo di International Positive Psychology Association

E temponan inusual y di ansiedad ta trece dificultadnan imprevisto. Pero e miho di e naturalesa humano por surgi pa enfrenta e desafio

• BUSCA E BON DEN OTRONAN: E tipo di crisis aki por saca afo e pio y e miho di e naturalesa humano. Riba Youtube  por a mira dos clips cu a bay viral tocante toilet paper. Un tabata di  tres hende muhe adulto cu tabata pleita den Woolworths pa un paki di toilet paper. E otro tabata dos mucha chikito lastrando nan tras un cart grandi yen di toilet paper y tabata para na e casnan di e hendenan di edad avansa den nan vencidario pa duna nan un rol. Esaki por laga nos pensa cu e miho di e naturalesa humano ta brota cu e desafio di coronavirus. E filantroponan ta haciendo donacion di placa na e cientificonan pa haya un cura.  E dokternan y personal medico ta traha oranan extra pa yuda e pashentnan malo.  E hendenan ta post mensahenan positivo riba rednan social.  Amigonan rond mundo  ta tuma contacto cu otro. Ora nos sintonisa den e aspectonan positivo y pro-social di e  crisis, nos ta uni den speransa.

Tumando control di nos salud mental y captura e momentonan chikito tambe ta un manera pa yuda nos avansa den e incertidumbre. Si nos por fomenta emocionnan positivo ta un recurso clave pa nos durante e crisis di coronavirus, pasobra e por haci un serie di cos:

• AUMENTA  BO RESISTENCIA: Investigacionnan a demostra cu ora nos ta experimenta emocionnan  positivo despues di un evento estresante, nos ta ‘bounce back’ mas rapidamente y nos tin un tempo di ‘recuperacion cardiovascular’ mas rapido, nos frecuencia cardiaco ta disminui y nos  presion arterial ta stabilisa mas lihe ora nan tin e capacidad di  ser positivo.

• AUMENTA BO INMUNIDAD: Un estudio unda e hendenan a ser infecta deliberadamente cu e virus di influenza y rhinovirus, a descubri cu  esunnan cu tabatin  emocionnan mas positivo tabatin mas probabilidad di combati e sintomanan. E personanan cu poco emocionnan positivo tabatin  2.9 biaha mas  probabilidad di contrae un enfermedad respiratorio den e estudio aki.

• POR  PENSA MAS  CLARAMENTE: E FORMA CON NOS TA SINTI TA INFLUI  E FORMA CU NOS TA PENSA.  E emocionnan positivo ta aumenta nos habilidadnan pa resolve e problemanan, manera nos  manera di pensa, tuma decisionnan, flexibilidad cognitivo y creatividad. Mantene bo mes positivo lo yuda abo y bo yiunan pa resolve miho tur e problemanan chikito cu ta presenta na e momentonan aki, manera descubri  plataformanan tecnologico nobo pa traha y studia for di cas.

 (Fuente: The Guardian International)