Den e epoca di coronavirus, no tur cos ta mal noticia. Por ehempel, Dayanara Torres, ex-casa di Marc Anthony, a anuncia atrabes di su rednan social cu e ta liber di cancer di cuero, cu el a wordo detecta na principio di 2019. Den su mensahe el a expresa tambe su gratitud na tur e docternan y famianan, cu no a permiti pa e derumba den ningun momento. Pa e proximo dos añanan, cada tres luna e mester haci e mesun testnan cu radiacion, pero solamente pa ta pendiente di su curpa y pa sa cu e cancer no a bolbe. Dayanara a splica atrabes di un video cu el a comparti riba su instagram.
E modelo a probecha tambe pa manda un mensahe positivo bisando cu oracionnan ta yega. E ta feliz, bendiciona, agradici na tur hende pa nan oracionnan pasobra nunca nan a lage los, pa hacie parti di nan famia, di nan oracion cada dia, e mensahenan asina bunita cu tabata lanta su animo. E ta feliz y contento. Pa sa cu oracionnan ta yega y ta importante pa sigui reza, no perde fe, pa nos sigui dilanti. “Vamos a salir de todo esto y nuevamente les agradezco tenerme en sus corazones. Estoy feliz”, Dayanara Torres a confirma den un clip cu ya tin mas di 124 mil view.
Na final di januari 2019, Miss Universo 1993 a preocupa su fans despues di anuncia cu el a wordo detecta cu cancer di cuero. Dayanara a conta cu despues cu un lunar a sali riba su curpa, y pa insistencia di su pareha, el a dicidi pa realisa e testnan cu a confirma e teribel enfermedad. El a comparti e noticia tristo cu e tin cancer di cuero, melanoma, despues di un biopsia y un segundo cirugia e resultadonan tabata lamentablemente positivo. E cosnan a complica pa Dayanara na nivel emocional door cu algun dia despues di e anuncio su prometido, Louis D’ Esposito, co-presidente di Marvel a dicidi di termina su relacion debi cu e noticia di cancer tabata demasiado pe. Seis luna despues y ainda den tratamento, Dayanara a comparti riba su rednan cu ya el a supera e ruptura.
