Tin un prome cita ta formidabel, pero prome cu bo habri completamente y entrega bo curason, ta importante pa ta sigur di algun cos previamente.
1. E ta casa?
Semper ta bon pa ta sigur di esaki y cu no ta djis un problema matrimonial e tin y ta busca un consuelo di momento y abo ta esun cu lo sali finalmente perhudica of ta den un matrimonio cu ta sumamente dificil pa sali di dje.
2. Cuanto tempo e tin soltero?
Puntr’e cuanto tempo e tin asina. E lucha contra un ex por ta asina dificil manera e guera na Medio Oriente. Ta sigur cu realmente el supera su pasado y cu ta cla pa cuminsa di nobo.
3. Na kico e ta dedica?
Pa haya apoyo cu abo kier, e mester tin un stabilidad den su bida. No pa mantene bo, pero si ta importante pa sigura cu e tin un trabou, meta di superacion personal, stabilidad financiero pa por combersa riba un posibel futuro hunto.
4. E ta bay bon cu su famia?
Drenta den un situacion familiar di enemistad, kiermen involucra den situacion incomodo. Un persona cu ta busca pa aleha di su famia, pa e motibonan no extremo, ta pone bo pensa cu dia di mañan e por huy di cualkier famia cu e por crea cu bo.
5. E tin yiu?
Finalmente ta hopi importante pa sa si e tin yiu y con su relacion ta cu nan. Yiu ta doño di su mayornan y involucra cu un persona cu yiu, kiermen cu bo tin compromiso serio tambe cu e yiunan.
