IK DESIGN su agenda pa 2020 tabata completamente planifica te cu 2021. E diseñadora, Ika Kock, den edicion di revista FOCUS na januari a elabora riba su catwalk show grandi na Paris. E luna di october 2020 tabata e luna di mas importante pa IK Design. Nan plan y tema pa e catwalk show tabata “Bont & Bont” cu faux fur. Como diseñadora mentalmente e ta prepara añanan adelanta. Nan mester a biaha dia 23 di april 2020 y keda 7 dia na Aruba. Aki su agenda tabata full geboekt pa IK Design, cu e.o. un photoshoot pa e ‘summer collection’ cu e tema ‘Aruba’. Ika tabatin tambe planea pa ortorga 3 “powerful women” un reconocimento, cu ta personanan cu semper a para tras di IK Design. Y claramente pa e fiesta impresionante di su mama su 80 cumpleaño.
IMPACTO E CRISIS DI COVID-19
E coronavirus a haci un impacto basta serio den e bida tanto di Ika como di henter su famia. Den tur sentido manera mentalmente, economicamente y varios stress te asta spiritualmente. Y manera semper e ta bisa cu ta manera e holoshi cu e tin den su cas a dal para keto y no a sigui cana mas. Ta manera full e globo a stop di draai, cu e mundo henter a stop. E forma con Ika ta describi con su bida a cambia ta manera ora bo coy un parha cu semper di su bida ta bula, y diripiente e parha a haye den un haula of couchi cera. Pa esunnan cu conoce Ika personalmente sa, cu e ta un muher cu no ta para keto y tin hopi energia. E ta dedica su tempo na su trabounan di IK Design, pero igualmente tempo balioso den su rol como esposa, mama, abuela y tambe na tur su amistadnan rond mundo. Ika a yega di pinta un cuadra cual nunca e no a dedica e significacion di e pintura. Te cu awor den e momentonan di crisis di COVID-19, cu el a titula su cuadra ‘Buscando Forsanan Nobo’.
KI A HASI DURANTE CUARENTENA?
Mi bida pesonal a cambia completamente y mi no sa precies ta ki dia y ki ora. Pa ta den cuarentena y keda positivo tabatin un stress enorme riba mi bida personal. Cada minuut mi ta coy mi telefon y wak cuanto hende a wordo efecta pa coronavirus. Mi yiunan tabata preocupa pa mi y ami tabata preocupa pa mi famia y mi amistadnan. Mi nieta a bin un dia brasa mi duro y cu lagrima el a bisa mi: “Dudu, mi no kier mi mama muri di coronavirus.” Eynan mi bida a cambia totalmente y realisa cuanto efecto mi tabatin riba mi famia den e tempo aki di e coronavirus. Mi a bras’e y bis’e: “Ban pafo y graba un video unda oma ta motiva e hendenan cu ta den cuarentena. Mi yiu Stefanie na Corsou a descubri e famoso Tiktok. Tabata perfect timing pa ta happy den momentonan di crisis .
CON TA PENSA DI ADAPTA NA E BIDA NOBO?
Mi a gusta e pregunta aki! Mi ta kere cu nos tur a haya lesnan enorme den e tempo di e pandemia. Stima y balora ser humano y e mundu. Aprecia tur e cosnan chikito rond di bo. Stima bo mes. Purba di keda pensa positivo asta den momentonan dificil. Laga nos tur cuminsa di nobo y cu fe den Dios. Ami di IK Design ta desea tur hende tur hende hopi forsa den e momentonan di COVID-19. Cu un speransa grandi cu hunto nos ta logra.
