“Masha Danki L’ORÉAL Paris pa e premio! E pallet su holor ta dushi…E lipstick crayon AWESOME!

E ganador di e premio L’ORÉAL Paris durante e LIVE cu Marta Collell diamars ultimo tabata Anys Velez. E ta un persona cu momento e ta desea di relaha su mente, e ta follow gruponan di musica y entretenimento, entre otro e ta encanta ‘FOCUS online’. Anys por uza e rednan social tur dia, mas tanto pa haya informacion necesario den e areanan di noticia y cultura di Aruba y rond di mundo. Aworaki su top riba su lista ta Gabinete pa haya noticia directo y tambe WHO pa ta altanto di e situacion na mundo. Anys ta Leerkracht Primaire Onderwijs na St. Rosa College y como maestra e no por stop di sigui tur e gruponan di enseñansa y actividadnan nobo pa duna den klas, pero tambe e ta gusta follow gruponan cu ta sostene famia en general, entre otro e ta follow;  ‘Moms Club Aruba’ y ‘Mi Mami’ unda por steun y yuda otro den diferente forma.

Anys no sa post hopi cos di dje mes, pero e por share post cu informacion relevante, si tin un noticia importante e ta share esaki of postnan cu por yuda otro. Entre otro e postnan pa duna alegria na otro hende manera e ‘positive quotes’. Riba nos pregunta ki e ta haya cu ta un pro y contra di social media, el a contesta: “Social media tin hopi area pro, cosnan pa alegra hende y pa yuda hende progresa. Semper y ta cosnan productivo y bon hasi. Cu social media bo por tin bo famia cu ta leu un tiki mas cerca, bo por wak mundo y diferente cultura rond. Esaki ta trece nos hunto riba un otro nivel. Como tambe por yuda negoshinan chikito haci nan propaganda y ta yuda nan mes logra hasi mas benta. Pero tambe tin e cosnan negativo. Y un di nan sigur ta esunnan cu ta pa critica y cu ta post violencia entre otro”.

Anys ta kere cu na final di dia ta keda na cada persona pa corda su norma- y balornan, cu nan a siña pa sa kico pa haya relevante y imporante, kico por alegra un persona. Anto kico otro por hasi mas daño cu alegria. E comentario cu el a duna di FOCUS como revista y online ta cu ambos ta brinda un parti importante di e cultura na Aruba y tambe internacionalmente. E ta duna esunnan cu ta gusta lese un momento gezellig di locual por ta pasando rond. Tur esaki tin algo positivo cu ne. Bo ta relax y bo ta enjoy di lesa y follow-up pa keda up-to-date, sin laga afo ‘tipjes’ cu por haya cu ta net un extra treat!

Su experiencia rond di henter e coronavirus crisis ta cu e crisis aki tin su banda negativo, e no ta kita esaki, sinembargo e ta haye manera un ‘eye opener’ pa nos isla. Na Aruba tin tanto talento cu pa via cu nos a centra nos mes riba turismo so, nos a lubida nos talentonan. Aworaki ta e momento pa saca e talento cu bo tin y haci uzo di dje den forma productivo. No solamente bo ta sali dilanti pero bo ta sigui yuda nos cultura persevera. E no ta bal keda ripiti e parti negativo di e crisis paso nos tur ta pasando aden. E importante ta saca e positivo di dje. Recorda kico ta balioso pa nos como hende y como pueblo di e dushi isla aki. Anys su mensahe: “Esun cu ta persevera ta logra. Y ta logra leu. Esun cu ta warda pa algo lo sinta warda. Sali pafo duna bo parti cu amor y positivismo, Corda cu lo cual bo sembra ta locual bo ta cosecha!”

1 COMMENT

  1. Ami tambe la like & shere tur cos ku ta di loreal paris,e marca number 1 pa nos como hende muhe.loreal paris tin especialista pa siñanos con nos por huse depende di nos necesidad y cua ta e apropiado.

LEAVE A REPLY

Please enter your comment!
Please enter your name here