Lisbeth Thijsen ta eherce e funcion di lider di team interior na Dr. Horacio E. Oduber Hospital y su pareha, Ramses Ras, ta traha den Korps Politie Aruba. Como ambos a traha como ‘frontliners’ durante e coronavirus crisis, nan a keda traha normal cu nan diensten segun nan trabou, p’esey no a haci mucho diferencia e temporada di shelter in place.
Lizbeth y Nicole Thijsen – Juli 2017
Lisbeth tabata e portada di revista FOCUS na juli 2017, y e tempo ey ainda e tabatin un yiu muher, Ann-Nicolle. Despues na mei 2019 el a sali den edicion di mei pa e highlight di Dia di Mama hunto cu su baby Mason Jayden, cu el a haya ora e tabatin 40 aña. Lisbeth manera mayoria ser femenino ta encanta e mundo di moda, cushina, lesa buki, sinti su mes liber pa expresa y biba.
Lizbeth y Mason Jayden photoshoot FOCUS Mei 2019
NORMAL NOBO
Lisbeth ta premira e bida ‘normal nobo’ como un poco frustrante paso bo mester adapta bo mes na e reglanan cu bo no ta custumbra na dje den bo bida diario. Nan ta un famia cu gusta nan bida social, sali keiro, ta liber pa haci tur cos na un manera ‘normal’. E ta di opinion cu aworaki bo bida ta wordo adapta abase di e reglanan implementa. Bo desicionnan mester ta segun e normanan stipula pa asina bo por tin un bida normal cua salud
Highlight FOCUS Baby December 2019
UN MENSAHE
“Laga nos tuma e periodo aki como un momento di reflexion y siña di dje. Ta mas consciente cua higiena di nos mes, ya cu prome nos no tabata tene na cuenta e detayenan chikito aki cu ta entre otro; laba nos man cu mas frecuencia, haci uso di hand sanitizer of den casonan mas extremo uza un monkapje, pa por biba den e ‘new normal’. Ya cu e metodonan aki ta yuda bo cuida bo mes y esunnan rond di nos; nos yiunan, famia y sernan keri. No ta facil, pero di e manera aki nos ta adapta y prepara nos mes pa e retonan nobo nos dilanti”.
