Claro cu nos tur ta haya antoho di un porcion di bolo de bes en cuando of un poco di chuculati. Sinembargo si bo tin e antohonan aki durante cierto tempo, ta probabel cu ta trata di algo mas: bo por tin un problema di salud.
1. Awa
Tin hopi sed por ta un sintoma trempan di diabetes. Ya cu ora bo tin exceso di sucu den sanger, bo riñonnan tin cu traha den exceso pa elimin’e, loke ta haci cu bo ta bay baño cu mas frecuencia.
2. SALO
En general, nos curpa ta ricibi mas salo cu loke nos mester, door cu e cumindanan procesa cu nos ta consumi, ta carga cu salo. No obstante, si bo ta sinti deseo di come mas salo cu custumber, por trata di principio di enfermedad di Addison.
3. IJS
Esaki por parce straño, pero si bo tin antoho di come ijs, e por ta un sintoma di deficiencia di hero.
4. CHUCULATI
Claro cu nos no ta referi na e antoho esporadico di chuculati, sino na antoho intenso di come chuculati. Den e caso ey, por trata di deficiencia di magnesio of vitamina D.
5. FRENCH FRIES
Si French Fries ta dificil di resisti y casi semper bo ta sinti un antoho iresistibel di come batata hasa, ta posibel cu e por ta algo mas. Bo por ta sufriendo di un deficiencia di acido graso omega-3.
