Miss Universe 1995, Alicia Machado, tin su propio website unda e ta presenta online su linea MALICIA. E sa duna varios LIVE cu su tips di makiyahe di su palette diseña pa e actriz mes, cu colornan inspira di su coleccion di diferente makiyahe como acesorio pa e hende muhe contemporaneo. Di e tononan mas basico pa un makiyahe di verano te na e pigmentonan mas briyante pa anochi. Alicia Machado ta comparti su creacion unico basa riba su experiencia personal como Miss Universe, actriz di cine y television. Su tecnica personal y trikinan di makiyane ta pa semper keda parce un reina.
E actriz cu tin actualmente 43 aña no lo keda recorda solamente como e miss conoci pa su gracia y beyesa sino tambe pa personalidad y carisma. Sinembargo ta su escandalonan ta locual a pone e mundo papia di Alicia Machado. Desde cu e venezolana aki a conkista e corona di Miss Universe, su bida publico tabata rondona di tur tipo di controversia, cu a cuminsa cu su problemanan di peso cu te dia di awe e ta confronta, y cu a wordo uza cruelmente e tempo ey pa e doño di Miss Universe, Donald Trump, te na e polemicanan relaciona cu su manera di ser. E hendenan no lo lubida e dia cu Trump a reuni decena di reportero pa exhibi Alicia como un obheto, pa su aumento di peso. Riba Alicia Machado su facebook page el a post awe, cu e ta ricibi su cuminda saludabel treci te na su porta di cas p’e y su yiu muher Dinorah Valentina.
