Den e caso den Corte Superior na London awe unda tabatin e huico di Johnny Depp y su ex-casa Amber Heard, hopi cos priva y escandaloso a sali na luz publico. E leyenda di Hollywood a tuma revancha contra di su ex-casa, mientras e tabata wordo interoga pa The Sun’s QC y su abogado riba e di cuater dia di e huico epico pa difamacion den e High Court na London. Johnny Depp a bisa cu su ex-casa ta bebe dos pa tres boter di biña riba un anochi, y asina tambe henter e fierno ta ‘break loose’, si e no sigui su reglanan of dune e atencion cu e tabata kier.
Depp di 57 aña, a afirma cu Heard ta gusta e idea cu e ta e monster, un termino cu el a pensa despues di un pleito na 2013, y esey a bira e frase cu e ta tira na su cara ki ora nan tin un discusion. Depp a afirma tambe cu Heard tabata basha whisky p’e y e cocaina e tabata corta chikito, pero cu e no tabata hala e droga pa su nanishi sino ta frega esaki riba su carn’i djente. ora e Tribunal Superior a scucha su historial di abuso di sustancia, incluyendo cocaina y alcohol. E actor a bisa cu su ex-casa por rabia bira loco pa cualkier problema chikito, manera si el a kita su boots of si el a dune un brasa mientras nan ta sinta riba sofa ta wak television.
El a bisa na e tribunal awe cu ta casi manera cu tin reglanan, cu Heard tin su rutina y si e rutina aki no ta cumpli cu su standard, e ora lo tin problema serio. E abogado di Depp, David Sherborne, a puntra ki lo pasa si kibra e ‘reglanan’ di su ex-casa, riba cual Depp a contesta: “An argument would ensue and all hell would break loose”. E actor a reclama tambe cu Heard a filme den scondi na diferente ocasion y cu e video cu a mustra diamars den corte no tin nada di haci cu Heard.
Depp ta demandando The Sun pa difamacion despues di a dune e stempel di golpiado di muhe. El a califica e acusasion aki di ta absolutamente falso y fraudulento, y el a afirma cu Heard ta esun cu a abusa di dje durante nan matrimonio. Ademas di a acusa Heard tambe di perhudica tur su esfuersonan pa ta sober door di mantene un boter di whisky den frigidaire. E actor a bisa tambe cu el a yama su casa, ‘Amber Turd’, despues cu el a ‘pupu’ riba nan cama matrimonial na Los Ángeles na april 2016.
Ms. Heard a alega cu Depp a bofte tres biaha despues cu el a haci un chansa di un tattoo, cu el a haci riba su brasa durante su relacion cu e actriz Winona Ryder, cu originalmente tabata ‘Winona Forever’, pero el a wordo retoca pa ‘Wino Forever’ despues cu nan a separa. E actor a confirma e pregunta di e abogado cu si tabata Heard ken tabata kier a regla pa tin droga pa su amigonan como parti di e fin di siman di celebracionnan pa nan boda. Den e caso aki a bin asina tanto cos dilanti cu sin duda por bira tema di un pelicula.
