E caminda di Benito Fernández y Reina Máxima a cruza realmente door di su cuña, Mariana Andrés, cu a scog’e como diseñador pa su shimis pa e asisti na e boda real na 2002. Fernández a nace na Buenos Aires, Argentina, 27 di mei1960. El a bira famoso pa su creacionnan colorido y floral, cu a luci riba e celebridadnan manera Ziara Nara y Valeria Mazza. El a lansa su prome fashion label na september 1986.
E historia tabata manera un ‘fairy tale’ con e prome contacto entre Fernández y Máxima a surgi, y realmente e tabata e segundo opcion como diseñador di Mariana Andrés, cu a acompaña Martín Zorreguieta, cu a representa e tata cu no por a asisti na e boda real. Benito Fernández a haci e prome trahe pa Mariana y su amiganan, y desde di eynan tambe e mama di Máxima, María (del Carmen) Cerruti, pa e bautiso di Prinses Amalia. Despues di mira di cerca e trabou di e diseñador, e tempo ey prinses Máxima, tabata kier pa e bisti e tambe pa e ocasionnan special.
Un dia e celular di e diseñador a zona y ora el a puntra ta cu ken e ta papia, e contesta tabata: “Soy Máxima Zorreguieta, ¿en qué piso estás?”… E diseñador ta corda cu casi e por a cay abou morto e momento ey. E tabata den su atelier y e bel a zona. Bo lo imagina cu un reina lo yama seis luna adelanta a traves di un persona di protocol y lo yega cu su bodyguards, pero Maxima a warda te ora cu Fernández a caba cu locual e tabata ocupa cu ne e momento ey, pa nan por a papia. E colaboracion di e diseñador cu realesa a inicia cu confeccion di seis shimis cu Máxima a uza pa su gira na America Latina. Semper el a duna e diseñador tur e libertad pa crea su vestuario, sin cu e sa unda of ki dia e lo bay uza nan. E excepcion tabata un trahe fucsia di gala, cu el a manda 15 dia prome cu avion, sin pensa cu e lo bay agrega esaki den su wardrobe pa un gira. Máxima a bisti’e despues di tres dia cu e trahe a yega.
Pa e argentino tin algo pa destaca di su mahestad Máxima, cu e ta un reina cu ta representa e muhe ideal di awendia y cu e ta gusta bisti. Ademas Máxima tin su nucleo familiar como e mas normal, bisando esaki e ta corda tempo cu el a bay su cas na Argentina pa e pas su vestuario. E no tabatin niun otro hende pa cuida su yiunan y ora e tabata bay cambia su paña, e tabata puntra e tempo ey prins Willem-Alexander, pa cuida e tres prinsesnan, manera cualkier otro mama lo haci. E diseñador ta finalisa bisando cu e tin e naturalidad cu tur e latinoamericanonan tin di e concepto di famia, cu ta e brasa y sonrisa.
Durante e bishita di estado na Singapore na 2013, Reina Máxima a bisti un shimis biña cu un faha cora di diseñador argentino Benito Fernández. Specialmente pa Máxima, el a adapta un diseño existente den e model y color, pa complace
