Rusia a anuncia cu nan ta desaroyando un otro vacuna innovador COVID-19 pa mink y pushi, despues di hopi fanfaria di a realisa e prome tratamento pa humano. Ta trahando riba un vacuna pa e animalnan y ta spera cu e lo wordo getest pa herfst. Rusia tin alrededor di 100 fur farms specialisa den mink pa industrianan grandi di bont. Vladimir Putin a aclama cu e vacuna humano di e pais como un hit mundial.
E hefe di Rosselkhoznadzor, e ‘watchdog’ veterinario di Rusia, a bisa cu e hendenan kier un vacuna pa nan pushinan si nan wordo infecta. “Nos ta trahando riba e creacion di un vacuna pa e animalnan contra e infeccion nobo di coronavirus”, e director di e organisacion, Sergery Dankvert, a bisa. E vacuna mester ta principalmente pa mink door cu nan ta transmiti rapidamente e virus entre nan. Tin informacion di un caso cu un mink a infecta un hende na Hulanda.
E director di e Instituto di Investigacion di Epidemiologia y Microbiologia Gamaleya di Rusia, e profesor Alexander Gintsburg, e cientifico clave tras di e vacuna humano, a bisa den varios entrevista cu Occidente ta jaloers y tabata buscando pa cumpra e ‘top brains’ di su ekipo. El a afirma cu nan ta resisti ofrecementonan luctrativo y cu e ekipo cu a haci e vacunacion COVID-19 ta hunto pa dies aña caba.
