E siman aki, e patrimonio neto di Mark Zuckerberg, conoci como e CEO y cofundador di Facebook, a aumenta cu $ 5.3 mil miyon, segun un informe di Forbes. Y el a converti den e centibiyonario mas hoben (36) di mundo diabierna, ora cu su patrimonio neto a supera $ 100 biyon. Zuckerberg ta uni awo cu e ‘titans’ di tecnologia, Jeff Bezos y Bill Gates, y Bernard Arnault, president y CEO di LVMH Moët Hennessy – Louis Vuitton, como e unico personanan na mundo cu actualmente tin e status di centibiyonario.
El valor neto di Mark Zuckerberg a supera $ 100 mil miyon pa prome biaha riba diahuebs despues cu Facebook Inc a alcansa un record di optimismo riba e lansamento di Reels cu ta e competidor di TikTok, E anuncio di Instagram Reels ta ser describi como un forma nobo di crea y descubri videonan cortico y dibertido riba Instagram. E videonan por comparti cu friends of cualkier persona riba Instagram.
Instagram Reels ta pa graba y edita videonan di varios clips di 15 seconde cu audio, efecto y tools nobo creativo. E usuario por comparti reels cu su siguidonan riba feed y si tin un cuenta publico, pone nan na disposicion di e comunidad di Instagram en general a traves di un espacio nobo den Explore. Reels in Explore ta ofrece cualkier persona e oportunidad di converti den creador den Instagram y yega na audiencianan den un escenario global.
