Un polemica grandi cu a los na Mexico tabata e momento cu a sali na luz publico un potret, unda ta mustra e famoso actriz Mexicana Verónica Castro hunto cu Yolanda Andrade. Ya tabatin bastante rumor cu tabatin un relacion amoroso entre ambos y e potret aki a nifica pa hopi hende como un prueba mas cu nan tabatin un relacion. Incluso segun e testimonio di e propio Andrade, cu ta un presentadora, esaki tabata durante e biahe na Europa cu nan a casa simbolicamente 20 aña pasa.
E actriz Verónica Castro a bin dilanti declarando cu nada di esaki ta berdad y solamente cu semper el a trata di yuda Yolanda Andrade. Despues cu e potret a sali, e conductor di De Primera Mano a confirma cu e celebridadnan tabata pareha. “E tabata un secreto publico, manera ora un persona ta gay of ora un persona tin un amante loke sea. Tin biaha no ta bisa nada, pero tur medio tabata sa di e relacion di Verónica Castro y Yolanda Andrade. E no sa cu tabata corecto of incorecto cu Yolanda mester a bisa, pero cu si nan tabata anda hunto, si nan tabata hunto”, el a sigura.
Aña pasa Yolanda Andrade a destapa su romance cu Verónica Castro durante un entrevista den e programa radial Formula. Aunke den un prome instante solamente el a laga hende imagina cu e lo a casa na Amsterdam, Hulanda cu un muhe hopi famoso, poco tempo despues a revela e identidad di su ex-casa. Den un entrevista den e programa Primer Impacto na Univisión, tambe Yolanda a contesta: “Si” riba e pregunta si el a casa cu Verónica Castro.
Pa pone e cherry riba e bolo memey di henter e polemica aki, e yiu di Verónica, Cristian Castro, a admiti cu si ta berdad cu e tabatin varios pelea cu su mama, cu a yega te na insultonan y pushamento. E ex-casa di Cristian, Gabriela Bo, ta apoya Yolanda Andrade den su declaracion cu si ta berdad tocante e maltratonan. E presentadora di e programa Montse & Joe a conta cu el a ricibi un yamada Verónica, cu a bise: “Cristian me pegó”. El a bay cerca dje pa hibe hospital y el a bisa cu nan a asalta nan, e tabata un mentira tras di otro. Cristian tabata esun cu a horc’e y skop’e riba trapi, e tabata hopi malo, e golpinan cu el a duna su mama no tabata su culpa y no ta pasobra Cristian a haya sa di nan relacion, Andrade a declara.
