Drs. Mervin Wyatt-Ras tabata den e comision di recepcion di Gobernador di Aruba en conexion cu apertura di e aña Parlamentario 2020-2021. Mervin ta miembro di parlamento desde aña 2001 y a experiencia 19 apertura di aña Parlamentario. Na 5 ocasion el a prepara e celebracion como presidente di Parlamento. Por cierto e ta e prome hende muhe cu a ehecuta e funcion aki pa pais Aruba.
Tur aña e dia aki ta uni masha festivo. E aña aki e apertura tabata totalmente diferente. Esaki door di COVID 19. Den sala y pafo mester a tuma distancia social y a bisti tapaboca. E ta pone bo sinti straño y e hecho cu no tin invitadonan ni muchanan di scol den tribuna ta duna e evento bunita aki di tur aña un toke tristo. Esaki ta bon tambe pa refleha e tristesa cu tin den famianan, cu ta pasando den e malesa of den situacion dificil door di perdida di trabou. Ademas nos Gobernador no a keda manera normal pa combersa un rato. Esaki ta un ehempel di e normal nobo.
En bista di hopi efecto di e malesa devastador aki pa nos comunidad y pa henter mundo, Mervin ta spera cu parlamentarionan pone nan bandera di diferente color un banda pa scucha otro, duna y comparti informacion y experiencianan cu otro y dialoga cu otro manera Gobernador tambe a señala. Enbes di punta dede riba otro pa cualkier iniciativa mester sostene otro. Wyatt-Ras ta pidi Todopoderoso pa den e reto aki nos dilanti duna e y su coleganan forsa y sabiduria pa duna e mihor di nan, sea den e rol di sostene gobierno como den e rol di cuestiona maneho pa asina bin cu alternativanan y miho sosten pa esnan contagia of afecta cu e malesa aki. Mervin ta felicita su coleganan cu un otro ana Parlamentario.
Potret: Von
