Na inicio di e aña aki pa ser exacto dia 26 di januari, mundo a sacudi despues di e noticia di e accidente di helicopter cu a cobra bida di e leyenda di NBA, Kobe Bryant, ademas di su yiu muhe Gianna y otro 7 persona mas. Lunanan despues di e accidente, e viuda Vanessa Bryant a trata di sigui cu su bida, y den diferente entrevista, el a declara cu e persona cu mas a yud’e supera un momento asina dificil tabata su mama, Sofia Laine.
Desde e accidente aereo, Vanessa a refiri na su mama como su ‘rock’, ya cu ademas di t’ey emocionalmente pa su yiunan, Sofía tabata presente p’e tambe. Sin embargo, ta parce cu e cosnan a cambia, paso di acuerdo cu ‘El Gordo y La Flaca, e mama di Vanessa Bryant a ser bandona pa su yiu sacand’e for di su cas y a kita e auto for di dje. Aunke ainda no tin mas informacion riba e tema, e avance di e entrevista tambe a mustra e motibo pakico famia Bryant no a duna di conoce cua ta e luga unda e shinishinan di e ex-basketbolista ta descansa.
Memey di lagrima, Sofia Laine a bisa: “El a bisa mi: mi mester pa bo sali for di e cas aki. Tambe el a bisa cu e mester di su auto y cu e kier e awo”. Señora Laine semper tabata hopi cerca di su yiu, ademas door di e problemanan cu Kobe tabatin cu su propio mayornan, e relacion cu su suegra a bira hopi mas estrecho, ya cu el a haya e apoyo cerca dje, cual su propio mayornan no a sa di brinde. Mayan David Valadez tin un entrevista cu e mama di Vanessa Bryant, cu ta den abandono y tristo despues di e fayecimento di su yerno Kobe Bryant”, manera cu a wordo publica riba e rednan social di e programa.
