E emergencia sanitario cu nos ta pasando aden a obliga pa pospone hopi di nos eventonan faborito, cu e medidanan preventivo necesario, algun ta bolbe aunke no di e forma cu nos ta custumbra. E di 72 edicion di Emmy Awards, cu ta reconoce e mihonan den television na Merca, e aña aki e ceremonia tabata virtual y completamente diferente. No tabatin e famoso red carpet cu miles di celebridad y paparazzi tampoco cambionan di looks den e presentacionnan di e premionan, y mucho menos un venue yen di mirones. Gran parti di e evento a ser realisa riba distancia, cu Jimmy Kimmel como esun encarga pa dirigi e ceremonia y yega te na e casnan unda e nominadonan tabata spera cu ansiedad pa conoce e ganadornan, pero sigur cu nan look digno pa un premiacion.
Un di e faboritonan di e red carpet ta Zendaya, cu ta presenta un look di impacto na cada luga cu e ta presenta. Pa Emmy Awards 2020 el a luci dos shimis, e prome di Christopher John Rogers pa haci su aparicion y di dos un Armani Prive den cual el a tuma su premio como Best Actress di serie dramatico. Jeniffer Aniston y Reese Witherspoon a bay bisti ‘safe’, ambos a opta pa shimis preto den diferente silueta cu a laga nan luci elegante pa e premiacion.
Otro di e faboritonan tabata Regina King, cu a haci su aparicion den un shimis zafiro di Schiaparelli, borda cu steenchi y stiletto color brons cu a combina perfecto cu su look. Trace Ellis Ross a bisti un creacion di Alexandre Vauthier y el a comparti un potret riba su Instagram unda e ta riba un red carpet chikito den su patio. El a skirbi: “Ki dibertido ta pa dressed up. Mi no por bisa cu mi ta haya falta di e energia frenetico di e red carpet of uza hilchi halto, pero si mi ta haya falta di un shimis bunita”. Hopi fans lo a prefera di a wak nan artistanan faborito no riba un red carpet virtual, pero apesar cu tabata riba distancia no a falta e glamour.
