Na Aruba Bank, nan ta haci tur locual ta na nan alcance pa sigura e bienestar di nan cliente- y empleadonan. Nan a tuma diferente paso den consideracion manera: haci nan sucursalnan mas frecuente limpi como tambe desinfecta tur area den e sucursalnan cu ta wordo bishita mas frecuentemente. Nan ta curasha prevencion di contacto fisico, manera “handshake” entre cliente- y empleadonan pa siguridad di tur dos partido. Nan ta monitor anuncio y sigui instruccion di DVG di cerca y a implementa e miho practicanan di Pan American Health Organization (PAHO/WHO). Esaki ta inclui e promocion di laba man y practicanan di higiene pa nan cliente- y empleadonan.
Durante luna di september, nan a lansa un campaña di conscientisacion. Ademas nan a introduci medidanan adicional di precaucion na momento di bishita e sucursalnan. Na entrada, tur cliente mester haci uzo di nan hand sanitizer dispenser pa haci man limpi. Manera cu drenta den un di e sucursalnan, e temperatura di cliente lo ser midi. Si esaki ta surpasa e maximo, cliente no por wordo atendi y lo ser pidi pa bandona e sitio. Den nan sucursalnan, cliente por mira caminda cu tin stickers poni unda tur por y mag sinta durante un bishita. Tambe nan a introduci instruccion caminda un cliente of empleado por sigui pa haci man limpi unabes cu ta paden di nan sucursal. Tur persona manera nan drenta nan sucursal mester tin un tapaboca bisti y mester keda cu esaki bisti te ora cu e persona bandona e sitio.
Nan ta curasha tur nan clientenan pa haci mas uzo di nan servicio bancarionan online. Di e manera aki ta preveni cu mester bishita banco y evita pa por tin e posibilidad di contagio entre cliente- y empleadonan. Tambe por haci uzo di nan Self Service Area na Camacuri y San Nicolas pa tur e asuntonan bancario, Deposit on the go y Banking by appointment durante e crisis di COVID-19.
