Time Magazine a publica su lista anual tan spera TIME 100 di e personahenan mas influyente na mundo. E lista ta cubri e personanan cu un background amplio y ta representa e personanan cu a laga un stempel den e sociedad. Check out e lista di e Top 10 personalidadnan cu ta aparece riba e lista.
ANTHONY FAUCI: E pandemia di coronavirus a ‘challenge’ e comunidad sanitario na henter mundo. Na Merca cu ta sigui ser un di paisnan mas afecta pa e virus, e director di National Institute of Allergy and Infectious Diseases, a desempeña un rol vital guiando e pais.
MEGAN THEE STALLION: TIME a clasifica e rapper den e categoria di pionero pa su trabou den e industria di musica. Sinembargo, no ta solamente su rap sino su boluntad di desafia e norma, manera e actor Taraji P Henson ta describi Megan Thee Stallion.
AYUSHMANN KHURRANA: E actor di cine Hindi a logra subi e lista door di desafia e masculinidad convencional na India a traves di su peliculanan manera Vicky Donor, Shubh Mangal Zyada Saavdhan, Dream Girl, entre otro.
BONG JOON HO: E director ganado di un Oscar a yega e lista pa hiba cinema Sur Koreano pa mundo.
TSAI ING-WEN: E presidente di Taiwan a yega e lista pa desafia e obhetivonan persistente di China pa pone e pais bou di su teritorio.
MICHAELA COEL: E actriz britanico cu a crea y protagonisa e aña aki e serienan: Chewing Gum di Netflix y I May Destroy You (2020) original di HBO, a trece un vision subtil di acoso sexual a traves di su reciente trabou.
KAMALA HARRIS: E candidato pa vicepresidente di e Partido Democrata na Merca, ta e prome muhe y e prome persona di origen ‘Indian-Black’ pa postula pa e posicion.
ANGELA MERKEL: Canciyer di Alemania desde 2005.
FUNDADONAN DI BLACK LIVES MATTER ALICIA GARZA, PATRISSE CULLORS & OPAL TOMETI: E fundadonan di un e movimentonan di husticia social mas esencial den 2020, a gana e respet di e comunidad color scur pa amplifica nan bos y exigi un cambio real den un sociedad racista.
NAOMI OSAKA: Mas cu su victoria den US Open, e hungado a ser aplaudi pa participa den Black Lives Matter di un manera unico.
