Zyqu Guerrero for di chikito a demostra su talento artistico y su carisma riba escenario. Cu 7 aña di edad ya e tabata competi den playback show, y semper a sa di sali e ganado absoluto. Zyqu a cumpli 19 aña recientemente y 9 luna pasa el a dicidi di tuma musica na serio. El a cuminsa skirbi su mes un canticanan y a habri un YouTube channel, cu ya a surpasa mas di 1330 subscriber den 9 luna di tempo.
Tempo cu Zyqu tabatin10 aña di edad, el a bisa su mama cu e no kier haci playback mas, pero cu e kier cuminsa canta. Su mama, Vivianne Jansen, a yud’e traha su prome cantica titula ’Mi Prome Amor’, cu el a competi na un festival di scol, unda el a sali e ganado absoluto. Despues Zyqu a sigui canta den e festivalnan di Calypso y Roadmarch, y semper el a cay den e premiacionnan. Varios biaha como e prome finalista y Zyqu ta Rey di Dande Hubenil tambe. ZYQU su meta ta pa bira conoci rond mundo. E kier bira grandi den musica y kier ’sell out’ arenanan y laga su nomber marca den historia. Riba su YouTube channel ZYQU TNO por wak tur su cancionnan mas reciente, cu mas di 10 mil views, y tambe e sa ‘feature’ cu artistanan local y international manera: YS, Robaloo Frans, Cloutrich y OG. Dia 21 di september riba e fecha di su cumpleaño, Zyqu a lansa su prome album titula ‘MY WORLD’. Hopi exito na Zyqu Guerrero cu ta un hoben cu sin duda tin tur e talento, pa logra conkista tur su metanan.
