E edicion di FOCUS Digital pa e luna di october ya ta disponibel a traves di FOCUS App, y riba e portada ta luci 1st Runner-up di Miss World 2001, Zerelda ‘Zizi’ Lee, cu ta comparti etapanan di su bida como hoben, y di e promesa cu el a haci na su mama. Zizi ta describi su bida na Belgica como uno bendiciona y hopi druk, cu entre otro construccion di nan cas nobo y planeando e conceptonan innovativo pa haci negoshi. Lesa tur loke Zizi a logra durante e ultimo añanan y ki Aruba ta significa p’e y su casa Stijn, y nan dos yiu homber; Xilan y Tristan.
Den e edicion aki por lesa tambe entrevistanan hopi interesante cu: Dokter Rebecca Dijkhoff, Dentista Yelitza Domacassé-Helmeyer, Jurette Croes, Miranne Geerman, Gionina Engelhardt, Katyuska Hessing, Clyde Fuenmayor, Gigliola Gomez y Clarisse Lopez. For di Corsou tin entrevista cu Germone de Lima y for di Boneiro Segni Bernardina. Manera tur aña den e luna di october tin e seccion di Home Trends cu Tarita Riley. Tambe e seccion di moda Instyle cu e tendencianan pa duna un tiki color den e temporada scur aki cu nos ta bibando.
El concepto grafico di FOCUS Digital ta dinamico cu un maneho di color ekilibra y cu fotografia magnifico, esaki ta haci e revista mas atractivo pa e lector exigente di awendia. E diseño editorial ta haci e parti di texto incorpora cu e dinamismo multimedia, cu e elementonan nobo di interaccion. FOCUS Digital ta acesibel via Apple Store of Android Google Play Store, cu por download e aplicacion aki riba un smartphone of tablet. E revista ta ‘gratis’ y sigur un experencia unico pa ‘browse’ y lesa e revista preferi di Aruba, cu tin su contenido cu calidad manera semper.
