Meghan Markle a emiti su voto via email, loke a converti’e den e prome miembro di realesa pa vota den un eleccion na Merca. Durante e ultimo lunanan, e dukesa di Sussex tabata promoviendo pa e hendenan vota, y pa pone e ehempel, y cumpliendo cu su obligacion como ciudadano mericano, el a vota via email segun e website Page Six a reporta. Meghan ta mericano hopi prome di ta un miembro di realesa. E no lo a perde e oportunidad di vota den e eleccionnan, sin importa unda e ta bibando, un fuente a sigura na e media.
Na september, durante un entrevista cu ABC, e actriz di Suits a papia tocante e eleccionnan di su pais. El a bisa cu esaki ta e eleccion mas importante di nan bida. Ora cu vota, e balornan ta wordo poni den accion y e voznan ta wordo scucha, ta loke Meghan Markle a sigura na e ocasion ey. Aunke nan ta kere cu Meghan ta e prome integrante di realesa britanico cu a vota den eleccion na Merca, toch nan no sa cu su compatriota Wallys Simpson, e socialité mericano cu a casa cu rey Eduard VIII y a abdica na 1936, a yega di vota.
