Yoga facial ta sirbi pa minimalisa e señalnan di edad y mehora e cutis? E tecnica di yoga facial ta existe y den e video ta mustra e diferente ehercicionan pa bo cara. Inverti den productonan di cuido pa cutis y tin un rutina riguroso di beyesa ta hopi importante, y sigur hopi di nos tin esey bon na cuenta. Sinembargo nos lo no nenga si por agrega algun paso cu ta reinventa nos pasonan di beyesa, y di un forma gratuito, pakico no haci esaki? Ta parce cu yoga facial ta cumpli cu tur nos expectativanan, ya cu bo ta sinti bon y realmente ta cambia e cara, y no ta necesario inverti den ningun tipo di producto.
E tendencia a bira viral na 2018 momento cu un grupo di hende muher cu rango di edad di cuarenta pa sesenta y cinco aña, a participa den un estudio pa ocho siman pa practica e tecnica nobo aki. E resultado? Un panel experto di dermatologo a afirma, cu e muhenan aki ta mustra aproximadamente tres aña mas jong solamente despues di e estudio corto aki. Algun aspecto clave ta pa concentra den bo respiracion y relaha mas tanto posibel; nek, schouder y cara. Ta recomendabel pa haci e ehercicionan den e video entre 3 pa 5 biaha pa siman durante dies minuut y cu e mannan semper limpi!
