Den e tres seccionnan di Focus Digital pa e luna di december, cada un ta elabora riba temanan interesante cu no por perde. Daniela Kuipers-Ramos den e edicion aki ta skirbi tocante di e biologia cu tin tras di bo emocionnan, pa asina bo compronde dicon ‘positivismo’ ta crucial pa bo estado mental. E ta splica: Pakico “positivismo” ta asina importante – Con bo ta haci pa keda positivo – Compronde cu bo emocionnan ta un proceso biologico. Cu nos celebro ta parti den tres parti. E parti dilanti ta nos celebro racional of cortex, e parti central di bo celebro ta bo celebro mammal of limbic. E parti patras di bo celebro ta esun cu ta encarga cu nos siguridad fisico y ta nos celebro reptil of stem. Den e articulo tin e ilustracionnan di e partinan di e celebro y cu su splicacion mas extenso.
Den e seccion di Jessica Wolter e ta elabora con pa prepara pa 2021, cu ta un aña di cambio y expansion. E ta splica di e diferente ritualnan cu nos por haci, pa atrae e miho energia pa nos metanan. Cu ta hopi importante pa haci un limpiesa profundo na nos hogar. Jessica ta duna tur e tips tanto pa e energia positivo den nos cas pa habri 2021 y pakico un baño den lama ta esencial pa asisti bo den e limpieza energetico. Por download un mandala y kleur esaki pa expande bo mente y atrae abundancia den bo bida. Busca un lugar trankilo, unda bo por sinta relaha y tuma bo tempo pa kleur e mandala. Scucha e audio y despues cuminsa kleur e mandala. Bo por click riba e siguiente link pa download un mandala.
E seccion mas ‘spicy’ sin duda ta esun di Dina Alexander, cu den e luna di december ta splica con pa scoge bo ‘asistente personal’ (bo sex toy). E ta puntra: “Bo sa kico ta un “co’i hunga di sex cu un grado medico?”
E splicacion riba e pregunta aki bo ta haye cerca Dina for di un investigacion extenso cu “ENTICE-ME” a haci y cu nan ta prefera di keda na e banda sigur. Nan tin solamente e productonan cu no tin e siguiente kimiconan: Phthalates, Parabens, Glycerin, of Propylene Glycol. Dina ta splica ki efecto e kimiconan aki tin na bo curpa y e dañonan cu nan por causa na e salud di e ser humano. Si no a download ainda Focus Digital Magazine, por haci esaki ‘gratis’ via Apple Store of Google Play Store riba bo smartphone of tablet.
