Den edicion di FOCUS Digital di e luna aki por lesa di e marca Italiano, Boarini Milanesi, cu a lansa un tas di 6 miyon di euro (aproximadamente 7 miyon dollar), esun mas caro di mundo. A cre’e pa conscientisa tocante e necesidad pa proteha nos lamanan, cu cada biaha ta mas menasa cu normal, pa e plasticnan no biodegradabel door di e pandemia di Covid-19.
E marca a dicidi pa crea e tas aki pa un motibo preciso, vincula na e historia personal di un di dos fundador- y diseñador di e marca, Matteo Rodolfo Milanesi. Matteo Rodolfo, ken a perde su tata, ora e tabata apenas un teenager, tin hopi recuerdo cu ta asocia cu lama. Nan tabata pasa hopi zomer na lama, entre Grecia y Turquia, y e tabata sinti feliz ora nan tabata haci ‘boat trips’ entre e islanan, Matteo Rodolfo ta recorda. A pesar cu e turismo masivo ainda tabata hopi leu, hopi biaha nan tabata wak e saconan di plastic ta drief riba awa of e plekinan di ‘tar’ derama pa e tankeronan. Recientemente, Matteo Rodolfo a mira incluso mas plastic den lama cu tempo e tabata un mucha, door di e pandemia y tur e ‘gloves’ y maskers ta tira masha slordig sin worry. Esaki a pone corda riba su tata, cu tabata bay den awa pa recoge e saconan di plastic y e boternan cu tabata drief riba lama, y tabata yud’e limpia e plekinan di ‘tar’ cu e tabata haya riba beach, ora e tabata trahando su kasteelnan di santo cu su mannan.
E escogencia di e piedranan di e tas ta asocia cu awa di lama. E zafironan blauw ta representa e profundidadnan di e oceanonan, e turmalina Paraiba ta recorda nos na e lamanan no contamina di Caribe, y e diamantenan ta referi na e transparencia di e awa ora e ta cay den forma di awacero.
Lesa di henter e proceso con nan ta elabora e tas mas caro na mundo den Focus Digital.
