Un pagina di e historia di moda a dal un buelta awe cu e morto di e modista frances, Pierre Cardin, na edad di 98 aña, un diseñador visionario y pionero di prêt-à-porter. Cardin, yiu di inmigrantenan italiano cu a converti den un homber di negoshi mundialmente conoci, a muri mainta den e hospital Americano di Neuilly, na oeste di París, e famia a informa e agencia di noticia AFP. “E ta un dia di tristesa inmenso pa henter nos famia. Pierre Cardin ya no t’ey mas. E gran diseñador di moda a bay, el a pasa un siglo, lagando Francia y mundo un legado artistico unico”, su famia ta skirbi den un comunicado.
E famia ta bisa cu nan ta orguyoso di su ambicion tenaz y audacia cu el a demostra durante su bida. Un homber moderno cu multiple talento y un energia inagotabel. Pierre Cardin a habri prome cu hopi otro un ‘skina’ den un tienda grandi pa e hende hombernan desfila. E tabata bisa cu su obhetivo tabata pa ta riba caya, cu su nomber y creacionnan ta eyfo. E celebridadnan y realesa no tabata algo p’e. E tabata respeta, dinner cu nan, pero e no tabata wak nan bisti den un di su shimisnan.
