Michelle Obama lo ta e doño di e supermercado ‘Waffles + Mochi’, un serie familiar nobo di Netflix, cu ta bay estrena pa mundo henter e proximo 16 di maart. E plataforma a ser coproduci hunto cu Higher Ground Productions, funda pa Barack y Michelle Obama. E serie infantil ta propone pa invita di forma dibertido e mucha- y e adultonan pa cushina hunto na cas, pa descubri e secretonan di e alimentonan y conecta cu e culturanan di diferente parti di mundo, ta loke awe Netflix a informa den un comunicado.
‘Waffles+ Mochi’ ta conta e aventuranan di dos gran amigo, cu ta comparti e mesun soño, converti den ‘chefs’. Pero tur cos cu nan sa y ta cushina ta di ijs, te ora cu nan a bira empleado di un supermercado y eynan ta cuminsa nan gran aventura culinario. Na caminda di nan espectacular biahe gastronomico nan ta conta cu e ayudo di e doño di e supermercado, Michelle Obama, E ex-prome dama di Merca ta yen di ilusion pa participa den un serie asina dibertido, reconfortante y magico. E ta bisa den e comunicado cu Mare cu ‘Waffles + Mochi’ tabata existi tempo cu su yiunan tabata chikito, e ta un serie estupendo pa wak den famia y aporta trankilidad mental na e mayornan di sa cu ademas nan yiunan chikito ta siña algo.
Michelle Obama (57) ta considera cu e serie aki den hopi aspecto, ta prolongacion di e trabou cu el a cuminsa como First Lady pa fomenta salud infantil. “Nos sa cu henter mundo ta encanta un bon cuminda y bon historia, y esaki ta exactamente loke nos heroenan balente ta ofrece: tanto descubriendo e potencial di e batatanan of pickles como e arte di recoge un webo kibra”, Michelle a tweet. Nan ta indica cu e personahenan ta implica den nan labor tras di e camaranan trahando cu ‘Partnership for a Healthier America’ pa fomenta cu e muchanan ta adkiri habitonan mas saludabel y yuda e famianan pa duna e acceso di e alimentonan fresco pa cushina hunto na cas.
