Mayan ta dia 14 di februari cu ta e famoso dia di San Valentino. E dia aki ta famoso entre e parehanan cu kier expresa nan amor den un manera special. E pregunta cu Daniela Kuipers-Ramos kier pone central den su columna di e luna aki den Focus Digital Magazine ta lo siguiente: Pakico e dia aki ta un dia solamente pa pareha? Si nos cuestiona e norma aki, mas persona lo ta mas feliz y nos por evita hopi di e sentimentonan negativo pa e personanan, cu no tin pareha pa celebra e dia aki. Bo no mester di tin un pareha pa bo tin balor of amor. E amor ey bo por duna bo mes! P’esey yud’e declara 14 di februari manera e dia nacional di AMOR PROPIO!
KICO TA AMOR PROPIO?
Amor propio ta un concepto cu por tin diferente significacion pa tur hende. Sinembargo Amor Propio ta encera cu no solamente bo ta cuida bo mente, curpa y sentimento, pero tambe cu bo ta acepta y stima tur parti di bo mes. Pa bo stima bo mes, bo mester stima e partinan bon y e partinan malo. Den e columna di e luna aki Daniela ta elabora entre otro riba: Dicon e ta dificil pa stima bo mes? … y Codependencia?
Den e parti di Amor propio ta crucial pa encontra un pareha cu ta stima bo manera bo ta merece! Ora bo ta stima bo mes, bo ta capaz di pone bo limitenan mas facil na e personanan rond di bo. Bo conoce bo mes miho y p’esey bo tin mas claridad den ki tipo di pareha bo kier comparti bo bida cu ne. Lesa mas di e interesante topico aki den Focus Digital. E revista ta acesibel via Apple Store of Google Play Store, cu por download e aplicacion aki riba un smartphone of tablet.
