E informe elabora pa e marca di tas di luho, Boarini Milanesi, ta cuminsa cu un quote di Dr. Daniel Natusch, biologo y miembro di Union Internacional pa Conservacion di Naturalesa: “Cumpra un tas di cocodril y bo ta proteha cinco mas”. E informe ta uza algun motibo cientifico pa demostra cu e tasnan di cocodril y caiman ta bon pa e planeta, comunidad y e animalnan mes. E informe a ser publica pa contesta e acusacionnan di hipocresia contra Boarini Milanesi, despues di e lansamento di e tas mas caro di mundo, balora na 6 miyon euro, fabrica cu piedra precioso y cuero di crocodil, y crea pa conscientisa riba e contaminacion di e lamanan.
E analisis ta yega na e siguiente conclusionnan: E comunidadnan cu ta biba den contacto estrecho cu crocodil y caiman, ta haya nan peligroso pa nan siguridad personal y di nan farm. E uzo sostenibel di e animalnan aki, ta permiti e hendenan pa tolera nan mas, pasobra nan ta util pa nan sostenibilidad economico. Cu base di e consideracion aki, nan a implementa e programanan pa e uzo sostenibel di cocodril y caiman, cual a aumenta e poblacion actual. Desde 1960 te cu awe na Louisiana, e poblacion di caiman a pasa di ta den peliger di extinction, te na alcansa cifranan di alrededor 3 pa 4 miyon den e selvanan. Na paisnan manera Sri Lanka, unda no ta existi un plan pa e uzo sostenibel di e especienan, e cocodril Porosus ta considera gravemente den disminucion, conoci pa destruccion di nan webonan y habitat.
Wetlands, e habitat natural di cocodril y caiman, ta e ecosistema cu e miho capacidad pa almacena carbon (den algun caso capas di almacena dobbel di un selva) y por reduci e dañonan causa pa tsunami y inundacionnan. Sin embargo, tur dia ta destrui nan pa crea terenonan pa agricultura of atraccionnan turistico. E programanan di uzo sostenibel di cocodril ta incentiva e poblacionnan pa mantene intacto e wetlands y recrea unda cu nan a ser destrui.
