Desde e shimisnan glamuroso te hasta e trahenan elegante, e celebridadnan a diberti nan mes aun mas cu e moda e aña aki. Ya sea cu nan a cana riba red carpet cu distanciamento social of sintonisa e transmision di Golden Globes 2021 for di nan cas, e streanan a mustra hopi look memorabel.
Cynthia Erivo
E actriz, Cynthia Erivo di 34 aña, a sorprende cu un shimis neon berde ‘Scuba’ y hilchinan ‘Skyscraper’, haciendo su debut riba Instagram cu su briyante Valentino Haute Couture. El a completa e conhunto cu joyanan di Wempe y Maria Tash.
Elle Fanning
Fanning a trece glamour den un shimis satin mint green di Gucci cu broche di cristal y capa, combina cu ‘tassel earrings’ di diamante Fred Leighton, armband y reenchi di diamante.
Angela Bassett
E actriz a luci fabuloso den su shimis biña di Dolce & Gabbana, dorna cu perla y un rand di pluma rond di e schouder y un split te ariba na su bil. E joyanan Graziela a dun’e un extra briyo.
Salma Hayek
Salma a bisti un shimis cora di Alexander McQueen cu detayenan cu plooi y escote asimetrico, combina cu joyanan di platinum y pumps di Christian Louboutin.
Catherine Zeta-Jones
E celebridad di 51 aña a demostra un biaha mas cu edad ta solamente un number, cu su espectacular presencia den su shimis preto di Dolce & Gabbana, off-the-shoulder y split na un banda.
Margot Robbie
E shimis di e ex-actriz di Neighbours, a trece e drama cu su corte na e schouder ‘peekaboo’ y un split na su bil. Margot a luci un tas preto cu tambe ta di Chanel y su toke di lipstick ros.
Jamie Lee Curtis
E tabata e rayo di solo cu su shimis den e color geel intenso cu manga largo di e diseñador australiano Alex Perry.
Amy Poehler
Amy cu ta e host di e programa di The Beverly Hilton na California, a agrega un poco di briyo na su outfit preto di Moschino cu algun payet.
Zuri Hall
E reportera di entretenimento y presentadora di e pre-show di Globes, Zuri Hall, a tribi di mustra su ‘abs’ cu un shimis cora bariga afo.
Sofia Carson
E cantante y strea di Disney, Sofia Carson, a bay ‘all-out’ den un shimis cu un capa dramatico y espectacular di Giambattista Valli.
