Despues di e golpinan duro cu e dukenan di Sussex a dal House of Windsor den nan entrevista cu Oprah Winfrey, Palacio di Buckingham a publica un comunicado.
E comunicado ta bisa cu henter e famia ta tristo pa haya sa henter e dimension di e desafionan di e ultimo añanan di Harry y Meghan. E ‘issues’ cu a bin dilanti, particularmente esun tocante rasa, ta preocupante. Mientras cu algun impresion por varia, nan ta ser tuma hopi na serio y atendi pa e famia den priva. Harry, Meghan y Archie semper lo ta miembronan hopi keri di e famia
E ta un acto no usual, cu House of Windsor, ta manda un comunicado den nomber di Reina Elizabeth II pa contesta loke Meghan y Harry, a declara durante e entrevista explosivo di diadomingo ultimo. Entre cual ta destaca principalmente un acto racista di parti di un miembro di e familia real y e pensamentonan di suicido di e dukesa di Sussex.
