Adamari Lopez a sorprende su fans dia 27 di mei ora el a anuncia, cu el a separa di e bailarin y coreografo Tony Costa despues di 10 aña di relacion y tin un yiu hunto, Alaïa. Adamari a bisa cu el a dicidi di separa despues di baha peso y hiba un bida saludabel, cu su prioridad ta pa pone su bienestar na prome luga, y prome cu tur cos su famia y esaki ta e decision cu el a tuma. Apesar di e splicacion a surgi speculacion riba e posibel causanan di e ruptura, y e motibo real dicon e pareha ya tabata separa pa varios luna, segun e propio actriz y presentadora a laga sa.
Un di e rumornan ta apunta cu Tony Costa tabata infiel y e comentarista di e programa ‘Chisme no Like’ a insinua cu si scucha e palabranan di Adamari. ta mustra claramente cu a pasa cosnan hopi mahos y grave, bisando cu e kier biba un bida saludabel y p’esey e ta laga Toni. Sorprendi y ofendi, e bailarin Spaño no a keda keto y el a reacciona a traves di su Instagram bisando pa no kere e mentiranan. Mientras Adamari ta papia di su momentonan mas complica, Toni Costa a caba di anuncia cu e ta continua cu su tour di masterclass di zumba, unda e lo bishita diferente luga na Merca y tambe lo biaha pa El Salvador, Costa Rica y Guatemala.
