Normalmente nos sa mira depresion manera un enfermedad mental, cu por wordo trata solamente cu remedi y terapia, cual den hopi caso ta asina, pero e no ta e unico manera pa trata depresion. Den edicion di Focus Digital di e luna aki, Jessica Wolter ta elabora riba depresion riba un aspecto holistico, pero cual no ta kita cu un persona cu ta sufriendo di depresion mester bishita un specialista, y si e persona ta cu un specialista caba, cu e no ta stop e tratamento sin e debido autorisacion di su dokter.
Depresion ta sosode como resultado di diferente tipo di blokeo emocional, cu por wordo trata riba un nivel spiritual y cu por wordo cura. Algo cu kisas ta zona complica pero cu practica y dedicacion tin tremendo resultado: descustumbra di tur e habitonan cu ta defini ken nos ta, y siña un manera nobo di biba. E ta un proceso cu ta depende di e caso personal di cada ken den e situacion aki.
E palabra depresion ta significa ‘crea presion’ y e por wordo observa manera e presion, cu ta wordo crea den nos ser cu ta limita e forsa di bida. E presion ta crea dolor y e dolor aki ta crea falta di movemento, cu ta afecta e ‘flow’ di energia di nos curpa y nos forsa vital. Por lesa mas di depresion desde un punto di bista holistico y meditacion den FOCUS di e luna aki, cu ta accesibel via Apple Store of Android Google Play Store, cu por download e aplicacion riba un smartphone of tablet.
