Den un estudio realisa na Merca a conclui cu e hendenan cu no ta drumi por lo menos shete ora den un periodo di 24 ora, ta mas probabel cu nan ta reporta 10 condicion di salud, cu ta inclui ataca di curason, enfermedad coronario, stroke, asma, enfermedad pulmonar obstructivo cronico (COPD), cancer, artritis, depresion, enfermedad di riñon y diabetis. The National Institutes of Health (NIH) a informa cu entre 50 y 70 miyon mericano ta sufri di trastorno di soño, incluyendo sleep apnea, y 1 di cada 3 adulto no ta drumi e cantidad recomenda di soño necesario pa proteha nan salud.
Drumi no ta un luho, e ta un necesidad asina vital manera e aire cu nos ta respira y e alimentonan cu nos ta come. Segun NIH, soño ta importante pa salud di e cerebro, incluyendo e funcion di siñamento, como tambe e curacion y reparacion di nos curason y e adernan. Soño tambe ta regula e hormonanan cu ta laga nos sinti hamber y yen, p’esey ora nos ta falta di soño nos ta sinti mas hamber cu normal. Ademas, soño ta afecta e forma con nos curpa ta responde na insulina hormonal, cu ta controla nos sucu den sanger. Teniendo deficiencia di soño ta conduci na e nivelnan mas halto di glucosa den sanger den e curpa, loke por aumenta e riesgo di diabetis. Y no lubida nos sistema inmunologico. No drumi di 7 pa 8 ora anochi por debilita nos defensa y ta pone cu nos ta bira malo. Den un siguiente post lo elabora: CON E ALIMENTONAN TA AFECTA NOS SOÑO!
