Den edicion di FOCUS Digital Magazine di e luna aki, cu su highlight ta e temanan relaciona cu Salud, Beyesa y Bienestar, tin un interesante entrevista cu Charlene Leslie, cu ta un specialista den nutricion y comportacion relaciona cu salud, y prevencion di e malesanan cronico. Despues di su ‘bachelors’, el a sigui diferente curso y su ‘masters’ den e ramo di deporte, nutricion, diabetes y salud publico. Den actualidad Charlene ta un profesional den su ramo, manehando su propio consultorio ‘Alimentá Dietetics & Health Promotion’.
Charlene ta duna su opinion tocante dieet pa obtene resultado rapido y tambe ta comparti su consehonan con pa kibra cu e custumbernan malo y construi un bida saludabel. Su pensamento tocante e ‘rate’ di e obesidad na Aruba, cu ta e ta hopi alarmante! Sinembargo e mas alarmante ta, cu tin sobrepeso of obesidad ta wordo socialmente acepta y unda mayoria hende no ta mira esaki como un problema. Charlene ta splica den extenso tocante ‘comemento intuitivo’, cu ta un approach ‘anti-deet’ cu a traves di 10 principio, ta yuda bo bin den contacto cu bo señalnan interno manera hamber, saturacion y satisfaccion.
Pa biba saludabel y sin mester entrega e sabor y ‘gezelligheid’, tin diferente receta pa un ‘get together’ saludabel, cu Charlene a selecta pa e fiel siguidonan di FOCUS. Ban reemplasa e pastechi, croket y cheeseballs pa e opcionnan cu ta yuda sostene un bida saludabel, Cuida bo salud y biba saludabel cu tur e consehonan di Charlene Leslie den FOCUS Digital Magazine di juli, cu ta accesibel ‘gratis’ via Apple Store of Android Google Play Store, cu por download e aplicacion riba un smartphone of tablet.
