Oliver Daemen, un hoben di 18 aña di Tilburg, lo bira e persona mas jong cu ta biaha den espacio, ora e join Jeff Bezos, e fundado di Amazon, den e prome biahe di New Shepard diamars awo. E raket cu Daemen, Bezos y e dos otro pasaheronan lo yega alrededor di 100 kilometer di haltura, ta opera pa Blue Origin, cual Bezos a inicia casi 21 aña pasa. Riba e haltura aki nan por wak e streanan, e rand di e atmosfera y e ‘curve’ di e aardoppervlak, despues nan lo bolbe na e superficie di mundo. E raket ta yama New Shepard, un homenahe na Alan Shepard cu ta e prome persona di Merca cu a bay den espacio. Tin lugar pa cuatro persona den e racket, e prome ta Jeff Bezos y su ruman Mark, di tres pasahero ta Wally Funk cu tin 82 aña. Despues di e lansamento, e lo bira e ser humano mas bieu cu a bay espacio. Oliver Daemen ta splica cu semper e tabata soña di bay bishita espacio.
E ta ser considera manera e prome cliente cu ta paga pa Blue Origin, segun e compania. E september aki, Oliver lo atende e Universidad di Utrecht pa studia ‘physics and innovation management’. Su tata, Joes Daemen, ta e director ehecutivo di Somerset Capital Partners, un empresa di real estate na Oisterwijk. El a cumpra e spot den New Shepard y el a scoge su yiu pa biaha na su luga. Aunke cu e no a haci e oferta mas halto, Blue Origin a scoge riba miles di persona. E ganado di e bid, cu a ofrece 28 miyon di dollar, a cancela su trip. E 28 miyon dollar a wordo paga na Blue Origin su organisacion non-profit, cu tin e tarea di desaroya forma di biba y traha den espacio, y tambe inverti den e hobennan cu ta busca un carera den e area di STEM.
