E fashionista #1 ta celebrando awe su 100 cumpleaño yen di energia y creatividad. Iris Apfel ta originalmente di New York y el a logra conkista henter mundo, cu su forma di bisti autentico y fabuloso, ademas su siguridad y curashi, a converti’e den un icono di moda. E ta bisti e colornan mas vibrante cu un hende por imagina, su cara semper cu un makiyahe impecabel y mas importante, cu semper e tin un sonrisa. Loke cu nunca ta falta pa complimenta su look ta su brilnan, cu ta su seyo emblematico.
E amor di su bida ta Carl Apfel, cu ken e tabata casa for di 1948 te 2015, ademas di ta su compañero di bida, hunto nan a recore henter mundo buscando textura, color y tradicion di cada pais pa añadi na nan trabou. Ambos a crea e marca Old World Weavers y nan a converti den decorador di interior exitoso, yegando na ser acesor di nuebe president di Merca.
Iris Apfel ta pionero den e arte di combina e piezanan di bazar cu e prendanan di marca. Dior, Versace of Lanvin ta algun di su casnan preferi, cual e ta combina cu e coyarnan africano. Pa inmortalisa su legado y cumpleaño number 100, el a dicidi di saca un coleccion di bril cu e marca Zenni Optical. Apfel ta estrena una linea yama, The Iris Apfel Zentennial Collection, cu 100 bril inspira den su estilo; cu ta oversized, rondo, di colornan yamativo y cu diferente prints. E brilnan ta e acesorio cu Iris nunca ta laga un banda, paso nan ta inspira of ta duna e toke final di tur su looks.
