Si bo ta riba un meta pa baha peso, bo instinto por bisa bo pa subi riba e balans dos biaha pa dia y spera un cifra mas abou tur ora. E cos ta, e variacion den e peso diario ta normal. E echo cu bo ta wak cu e number ta aumenta of baha di un dia pa otro, no kiermen cu bo ta haciendo algo fout. Si bo ta puntrando bo mes: “Dicon mi peso ta varia tanto?” E articulo aki ta tocante esey.
Dicon mi peso ta varia hopi?
Anita Petruzzelli, M.D., doctor di BodyLogicMD ta splica: “Hopi hende no por come suficiente cuminda den un of dos dia pa realmente subi 5 pa 10 liber den un dia, pues si bo ta wak un aumento drastico riba e balans, chens ta grandi cu esey ta door di awa”. E retencion di awa ta mas tanto e culpabel pa e aumento di peso riba bo balans, esey ta si bo semper ta come saludabel y haci ehercicio.
“Come, bebe, orina, pupu y haci ehercicio por afecta e composicion di awa den bo curpa, y tambe peso”: segun Dr Petruzzelli. Por ehempel, cuminda cu contenido halto di carbohidrato y salo por causa retencion di awa y un aumento di peso. No pensa mucho si bo ta nota un desbalansa diario. “E aumento di peso door di awa lo mester normalisa su mes den un of dos dia, ora bo ta bay bek na bo dieet normal di cuminda saludabel y ehercicio”: e dokter ta afirma.
Segun Joseph Colella M.D.: “Si bo ta nota cu bo peso ta keda subi despues cu bo a bolbe na bo dieet normal durante aproximadamente un siman, esey por ta door di un otro factor di bo estilo di bida. Un grado cu ta varia entre 0 pa 5 liber no lo preveni bo di logra bo metanan. Mayoria hende por baha 5 liber basta lihe cu e cambionan chikito den nan consumo di caloria y actividad fisico”. Dr. Colella ta bisa: “Si e balans ta mustra un jump di 7 liber pa mas cu un of dos dia, e consumo di alcohol por ta e causa. Alcohol ta stimula e apetit y ta haci dificil pa controla e cantidad di cuminda cu ta come”.
